Sungið með landinu - Kórsöngur um land allt

Kórar hvaðanæva af landinu munu syngja valin lög á þjóðhátíðardaginn 17. júní undir yfirskriftinni Sungið með landinu. Unnið verður myndband með brotum af kórum að syngja um allt land. Margrét Bóasdóttir formaður Landssambands blandaðra kóra annnast verkefnisstjórn í samvinnu við samtök kóra og kórstjóra um allt land.

Efnt var til samkeppni um nýtt lag við þjóðhátíðarljóð og hlaut Atli Ingólfsson tónskáld fyrstu verðlaun.

Nótur við verðlaunalagið:

Ávarp Fjallkonunnar - fyrir blandaðan kór c-moll

Ávarp Fjallkonunnar - fyrir blandaðan kór d-moll

Ávarp Fjallkonunnar - karlaraddir

Ávarp Fjallkonunnar - kvenraddir

Ávarp Fjallkonunnar - laglína með hljómum

Ávarp Fjallkonunnar - laglína með undirleik

Ávarp Fjallkonunnar - karlaraddir, undirleikur til æfinga

Ávarp Fjallkonunnar - kvenraddir, undirleikur til æfinga

Ávarp Fjallkonunnar - blandaður kór, undirleikur til æfinga c-moll

Ávarp Fjallkonunnar - blandaður kór, undirleikur til æfinga d-moll

Ávarp fjallkonunnar 2015  

eftir Þórarin Eldjárn

1., 2. og 4. erindi með breytingu frá höfundi, til notkunar við samningu sönglags. 

Um miðjan júnímánuð
myrkri er horfinn styrkur,
fánar blakta í blænum,
blöðrur svífa, lúðra-
hljómur upp til himins
hefur sig og vefur,
söngur veifar vængjum,
víbrar eins og tíbrá.

Fjallkonan af fjöllum
– faldskrýdd – kemur aldrei.
Saman sjá vill koma
sína þjóð og skína,
sundurleita sindra
sjálfstæða og frjálsa,
handvissa um að höndla
hamingju og gaman.

Heldur betur höldum
hátíð, okkur látum
dreyma - lifa drauma,
dvelja í núi og velja
jafnrétti og jöfnuð,
jákvæðni og ákefð,
leið sem liggur héðan,
ljósið alltaf kjósa.