Fundur sjávarútvegsráðherra N-Atlantshafsríkja
FRÉTTATILKYNNING
Fundur sjávarútvegsráðherra Norður-Atlantshafsríkja
Árlegur fundur sjávarútvegsráðherra Norður-Atlantshafsríkja verður haldinn í þriðja sinn í Þórshöfn í Færeyjum 25. til 27. maí n.k., í boði John Petersen sjávarútvegsráð-herra Færeyja. Til ráðstefnunnar er boðið sjávarútvegsráðherrum Grænlands, Íslands, Kanada, Noregs og Rússlands, auk sjávarútvegsstjóra Evrópusambandsins.
Fyrsti sameiginlegi fundur ráðherranna var haldinn haustið 1996 í St. John's á Nýfundnalandi, en annar fundurinn var haldinn í Reykjavík í maí í fyrra.
Meginefni fundarins að þessu sinni verða í fyrsta lagi upplýsingaskipti um þróun fiskveiða innan lögsagna. Í öðru lagi umræður um stjórnun, eftirlit og vísinda-samvinnu. Í þriðja lagi sjálfbærar fiskveiðar og vistkerfi hafsins og í fjórða lagi umræður um málefni svæðisbundinna fiskveiðistjórnunarstofnana.
Strax að ráðherrafundinum loknum hefst í Þórshöfn 7. ársfundur Norður-Atlantshafss sjávarspendýraráðsins (NAMMCO). Verða ráðherrarnir viðstaddir setningu ársfund-arins. Færeyjar, Grænland, Ísland og Noregur eiga aðild að NAMMCO, en Kanada og Rússland hafa einnig sótt fundinn í því skyni að fylgjast með.
Sjávarútvegsráðuneytið,
23. maí 1997
23. maí 1997