Samantekt á niðurstöðum könnunar á jafnréttisfræðslu í skólum - janúar 1997
Samantekt á niðurstöðum könnunar á jafnréttisfræðslu í skólum
Dreifibréf til skólastjórnenda grunn- og framhaldsskóla
Menntamálaráðuneytið sendir hér með samantekt á niðurstöðum könnunar á jafnréttisfræðslu í skólum sem fram fór skólaárið 1995-1996. Jafnframt eru skólunum færðar þakkir fyrir þátttökuna.
Niðurstöðurnar gefa vísbendingar um hvernig staðið er að framkvæmd jafnréttisfræðslu í grunn- og framhaldsskólum landsins. Samkvæmt niðurstöðunum er kynjum almennt ekki mismunað í námi, kennslu eða daglegri umgengni. Hins vegar gefa svörin til kynna að fáir skólar sinni jafnréttisfræðslu á markvissan hátt og nær engir skólar virðast vinna út frá sérstakri jafnréttisáætlun.
Skólar eru hér með hvattir til að gera áætlanir til að tryggja eins og kostur er að ákvæði 10. greinar jafnréttislaga sé fylgt eftir með markvissum hætti. Í jafnréttisáætlun þyrfti að koma fram hvernig skólinn hyggst fyrirbyggja hugsanlega mismunun kynjanna og hvernig hann ætli að að stuðla að því að bæði drengir og stúlkur fái notið hæfileika sinna og getu. Eðlilegt er að jafnréttisáætlun verði hluti af skólanámskrá hvers skóla.
(Janúar 1997)